Şadî

Kurdshop – 3 zarokên kurd ên Rojavayê Kurdistanê li Austria di Taekwondoyê de şampyontî bi dest xistin û bi vî rengî serkeftineke werzêşî li Diyasporayê, bi navê kurdên Rojavayê Kurdistanê tomar kirin.

Du xwîşk û birayek ên   bi navên Nêrmîn, Nêvîn û Heval, di vê salê de heta niha cara duyemîne ku di qehremantiya Taekwondoyê de, li Austria pileya yekemîn bidest dixin û medalyayên zêr werdigrin. 

Di qehremantiya Taekwondoyê ya nevnetewî ya Austriayê de, ku li gelemperiya Austria û çend welatên derdorê jî werşîzvan beşdar dibin, di nava wan de 3ê zarokên kurd pileyên yekem û herwaha medalyayên zêr bi dest xistin.

Bi wî awayî hersê zarokên ku bi piştevaniya dayîk û bavê xwe giheştine vê astê, serkeftineke werzêşî ya mezin bi navê kurdên Rojavayê Kurdistanê li diyasporayê tomar kirin.

Ev hersê zarokên kurd perwedeya xwe bi destê rahênerê bi navê Hozan Remedan ê Kurd yê li Rojavayê Kurdistanê dîtine. Hozan Remedan ku li wî walatî ango Austriayê navendeke Taekwondoyê vekiriye, bi xwe jî pileya yekem li ser asta navendên Taekwondoyê de bi dest xistiye, zarokê wî Cûdî jî di nav 3 mehên dawî de, beşdarî di sê pêşbirkan de kiriye.

Nêrmîn, Nêvîn û Heval bi liv û tevgerên xwe yên sivik û herwaha lêdanên xwe yên bi hêz ve encam werdigrin û bi wî rengî jî têne naskirin.

Hersê zarokên kurd ku navê bavê wan Ebdulqadir Yasîne, bi esil yên ji gundê Eleqosê ya herêma Aliyana ya Rojavayê Kurdistanê ne. Ev malbat sala 2015ê de penaber dibin û berê xwe didin welatê Austria.